ຫວຽດນາມ-ເເມັກຊິກ ຍົກລະດັບການຮ່ວມມືດ້ານອົງການນິຕິບັນຍັດ
ໜັງສືພິມກອງທັບຫວຽດນາມ ລາຍງານ ວັນທີ 1 ຕຸລາ, ຄະນະຜູ້ແທນສະພາແຫ່ງຊາດຫວຽດນາມ ນຳໂດຍທ່ານ ພົນໂທ ເຈີ່ນ ກວາງ ເຟືອງ,
ຮອງປະທານສະພາແຫ່ງຊາດຫວຽດນາມ ໄດ້ໄປຢ້ຽມຢາມ ແລະ ເຮັດວຽກຢູ່ ເມັກຊິກ ແຕ່ວັນທີ 28-30 ກັນຍາ 2023. ນີ້ແມ່ນການເຄື່ອນ
ໄຫວພົວພັນຕ່າງປະເທດຂອງລັດຖະສະພາ ເພື່ອແນໃສ່ຜັນຂະຫຍາຍແຜນນະໂຍບາຍຍົກການພົວພັນ ຫວຽດນາມ-ເເມັກຊິກ ຂຶ້ນສູ່ລະດັບຄູ່ຮ່ວມ
ມືຮອບດ້ານໃນປີ 2023, ກໍຄືມຸ່ງໄປເຖິງສະເຫຼີມສະຫຼອງ 50 ປີ ວັນສ້າງຕັ້ງການພົວພັນທາງການທູດລະຫວ່າງສອງປະເທດໃນປີ 2025.
ທ່ານຮອງປະທານສະພາແຫ່ງຊາດ ເຈີ່ນກວາງເຟືອງ ໄດ້ມີການພົບປະເຈລະຈາກັບການນຳຫຼາຍທ່ານໃນສະພາສູງ ແລະ ສະພາຕ່ຳເມັກຊິກ,
ໂດຍໄດ້ແຈ້ງໃຫ້ຊາບສະພາບການພັດທະນາເສດຖະກິດ-ສັງຄົມຂອງຫວຽດນາມ, ພ້ອມທັງເນັ້ນໜັກເຖິງຈຸດປະສົງຂອງການຢ້ຽມຢາມແມ່ນ ເພື່ອ
ແນໃສ່ຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງບັນດາອົງການນິຕິບັນຍັດຂອງສອງປະເທດ, ປະກອບສ່ວນເພີ່ມທະວີ ແລະ ເຮັດ
ໃຫ້ການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດໃນທຸກຂົງເຂດເລິກເຊິ່ງກວ່າເກົ່າອີກ.
ການນຳ ເມັກຊິກ ໄດ້ຕີລາຄາສູງຕໍ່ການຢ້ຽມຢາມຂອງ ທ່ານຮອງປະທານສະພາແຫ່ງຊາດ ຫວຽດນາມ ແລະ ຄະນະ, ເຊື່ອໝັ້ນວ່າ: ການຢ້ຽມ
ຢາມຈະປະກອບສ່ວນສຳຄັນເຂົ້າໃນການເພີ່ມທະວີການພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງ ເມັກຊິກ-ຫວຽດນາມ ເວົ້າລວມ
ລະຫວ່າງບັນດາອົງການນິຕິບັນຍັດຂອງສອງປະເທດເວົ້າສະເພາະ. ການນຳຂັ້ນສູງ ເມັກຊິກ ຢືນຢັນຕື່ມວ່າ: ຫວຽດນາມ ແມ່ນຄູ່ຮ່ວມມືສຳຄັນແຖວ
ໜ້າຢູ່ພາກພື້ນອາຊີຕາເວັນອອກສ່ຽງໃຕ້ ແລະ ສະແດງຄວາມປິຕິຊົມຊື່ນຕໍ່ບັນດາບາດກ້າວທີ່ຕັ້ງໜ້າໃນການພົວພັນລະຫວ່າງສອງປະເທດໃນໄລຍະ
ຜ່ານມາ, ເຊິ່ງ ເເມັກຊິກ ຍາມໃດກໍປາຖະໜາຢາກເພີ່ມທະວີການພົວພັນກັບຫວຽດນາມ ໃນທຸກຊ່ອງທາງ, ພິເສດແມ່ນຊຸກຍູ້ການຮ່ວມມືດ້ານເສດ
ຖະກິດ, ການຄ້າ ແລະ ການລົງທຶນ.
ແຫຼ່ງທີ່ມາ: ໜັງສືພິມກອງທັບ
ວັນທີ 05/10/2023